كامەیە برای موسڵمانی ئێمە؟
ئەگەر كورد موسڵمان و خواناسی ڕاستەقینە نەبووایە، دەبوو لە دین هەڵگەڕێتەوە!
ڕەنگە بە سەرسوڕمانەوە بڵێن: لەبەر چی؟
ئێوە سەرنج بفەرموون، كورد وەك نەتەوەیەكی موسڵمان و خواناس كەوتووەتە نێوان سێ نەتەوەی موسڵمانەوە، هەر سێ نەتەوەكەش بە ناوی سوورەت و ئایەتی قورئانی پیرۆزەوە هێرشمان دەكەن سەر، ئامانجیان ئەوەیە قڕمان بكەن.
سوپاكەی سەدام بە ناوی سوورەتی ئەنفالەوە هات، پێنج هەزار گوندی بە (5) هەزار مزگەوتی بە قورئانەوە خاپوور كرد و سووتاند.
سوپاكەی ئەردۆغان بە ناوی سوورەتی ئەلفەتحەوە هات، دار و بەردی وڵاتی ئێمەی سووتاند و خاپووری كرد.
سوپاكەی ئەحمەد شەرع بە ناوی ئەڵڵاهو ئەكبەرەوە هات، هەر بێ شەرعییەكی هەیە بەرانبەر بە ئێمەی كرد، تەرمی سووتاند و سووكایەتییان بە كورد كرد و پێیان گوتین "بەراز".
سوپاكەی خومەینی لە دوای نەمانی شا هێرشی كردە سەر كورد و بە كافر و لە دین دەرچووی لە قەڵە داین و قڕی كردین.
بەڵام كورد میللەتێكی خواناسە، هەرچەندە نەتەوەكانی دەوروبەری بە ناوی ئیسلام و لە بن پەردەی دینەوە زوڵم و ستەمی لێ دەكەن، كورد ڕێی خواناسیی لێ ون نابێت و بەری نەدا.
